میانوالی نیوز

میانوالی: (نمائندہ نوید ملک سے)ڈی ایس پی سرکل عیسیٰ خیل ملک ظفر اقبال کی سربراہی میں ایس ایچ او تھانہ عیسیٰ خیل عبدالرسول، ایس آئی محمد حنیف خان اور انکی ٹیم نے سماج دشمن عناصر کے خلاف کاروائی کرتے ہوئے شریف آباد عیسیٰ خیل کی جانب جھاڑیوں میں تاش جواء کھیلنے والوں پر ریڈ کرکے 02جواری دلنواز ولد فیض محمد، محمد شہزاد ولد نور سکنائے شریف آباد کو گرفتار کرلیا جبکہ 04جواری ضیاء اللہ، محمد عرفان ،محمد شہزاد، ضیاء الرحمن سکنائے شریف آباد جنگلی کیکریوں کا فائدہ اٹھاتے ہوئے بھاگ جانے میں کامیاب ہو گئے۔ داؤ پر لگی رقم مبلغ 1850روپے، 02عدد موبائل، 52تاش برآمد کی۔ جبکہ دوران چیکنگ محمد اعظم ولد عالم خان سکنہ کلور شریف سے پسٹل 30بور برآمد کرکے تمام ملزمان کو گرفتار کرکے تھانہ عیسیٰ خیل میں الگ الگ مقدمات درج رجسٹرڈکیے۔ ڈی پی او میانوالی ممتاز احمد دیو نے اس کاروائی پر ایس ایچ او تھانہ عیسیٰ خیل اور انکی ٹیم کو شاباش دی۔ ترجمان میانوالی پولیس