میانوالی نیوز

*تعلیم اور صحت ہماری ترجیحات*

*عمران خان عام آدمی کے مسائل کا خاتمہ چاہتا ہے*
واں بھچراں(نوید حسین سے) میانوالی کے مسائل ختم ہوں گے۔ تعلیم اور صحت پہلی ترجیح پر ہیں۔وزیراعظم پاکستان عمران خان عام آدمی کے مسائل کا خاتمہ چاہتے ہیں ان خیالات کا اظہار
پارلیمانی سیکرٹری پنجاب ملک احمد خان بھچر نے بھچر ہاوس میں آنے والے مختلف وفود سے گفتگو کرتے ہوئے کیا ۔ انہوں نے کہا کہ ماضی میں میانوالی کو مسلسل نظر انداز کیا گیا لیکن اب میانوالی کی محرومیوں کی خاتمہ کے لیے کوشیشیں کر رہے ہیں انہوں نے کہا کہ سال ہا سال سے  ورثے میں ملنے والے مسائل کو مرحلہ وار ختم کریں گے صحت اور تعلیم ہماری ترجیحات میں شامل ہیں ۔ ملک احمد خان بھچر نے اس موقع پر بتایا کہ میانوالی عمران خان کا ضلع ہے یہاں کے کارکنان نے بہت قربانیاں دی ہیں۔ میانوالی کی ترقی کے لیے ضروری ہے کہ یہاں شرح خواندگی میں اضافہ کیا جائے اور روزگار کے مواقع بھی پیدا کیے جائیں ۔