میانوالی نیوز

میانوالی:(شمعون حسین سے )ڈسٹرکٹ پولیس آفیسرممتاز احمد دیو کی خصوصی ہدایت پر ڈی ایس پی سرکل موسیٰ خیل مہر محمد ریاض کے زیر نگرانی علاقہ تھانہ پائی خیل میں جرائم پیشہ افراد، سماج دشمن عناصر، ناجائز اسلحہ/ منشیات فروشوں کی گرفتاری اور عوام الناس کی جان و مال کو یقینی بنانے کے لیے پولیس نے دیگر قانون نافذ کرنے والے اداروں کے ساتھ مل کرسرچ آپریشن کیا۔ سرچ آپریشن میں03 تھانوں کی نفری جس میں ایس ایچ او پائی خیل، موچھ ، داؤد خیل معہ نفری،02 ٹیم ایلیٹ فورس اور حساس اداروں کے اہلکاروں نے شرکت کی۔ ڈی ایس پی سرکل موسیٰ خیل کی قیادت میں02 ٹیمیں تشکیل دے کرتھانہ پائی خیل کے علاقہ میں سوانس, پائی خیل شہر میں گھروں اور ڈیرہ جات کی تلاشی لی گئی. سرچ آپریشن میں کل60 افسران و ملازمان نے شرکت کی۔ دوران سرچ آپریشن 30گھروں / ڈیرہ جات جبکہ35 افراد کی SVASسسٹم اور بائیومیٹرک کے ذریعے تصدیق کی گئی۔دوران سرچ آپریشن ناجائز اسلحہ والوں کے خلاف کاروائی کرتے ہوئے سجاول خان سکنہ پائی خیل سے رائفل 7MM برآمد کرکے تھانہ پائی خیل میں مقدمہ درج رجسٹرڈ کیا. ڈی پی او میانوالی نے کہا کہ جرائم پیشہ افراد کے خاتمے تک میانوالی میں سرچ آپریشن جاری رہیں گے۔ کسی کو معاشرے کا امن ہرگز تباہ نہیں کرنے دیں گے۔
ترجمان میانوالی پولیس